HSLC top 7 hnenah laptop pe

by News Editor

Tualchhung News

ZORAM TODAY| Aizawl May 21, 2024: Zanin khan Lalremruata Chhangte, MNF General Secretary chuan 2024 HSLC result chhuaka top 7 na hauhtu Zomuansanga s/o Francis Zothanmawia, Keiṭum hnenah lawmpuina leh chawimawina atan a zir zelna tura ṭangkai tur computer laptop a pe.

Zomuansanga hi Goodwill English Academy, Serchhip-ah kalin a nu leh pa, a unaute nen Keiṭum, Serchhip District ah an cheng mek.

Lawmpuina hlan pahin Lalremruata Chhangte chuan, “Hrangturzo bial mi, Aizawl a lehkha zir pawh nilo thingtlang aṭanga hetianga result ṭha tak, Mizoram puma pasarihna ni thei zirlai kan awm hi a ropuiin, a lawmawm hle a, tih theihtawk tamlo mahse, kan theihna sang bera lawmpui hi a phu hle a ni,” a ti a. A zir chhoh zelna turah hlawhtlinna changa ram leh hnam tan a thiamnate ṭangkai taka hmang turin duhsakna a hlan nghal bawk.

Maremruata hian Hrangturzo bial aṭanga HSLC leh HSSLC 2024 exama passed zawng zawngte leh an zirtirtute a lawmpui thu leh, hlawhtling ve ta lo zirlaite tuarpuiin, beidawng lova theihtawp chhuahzel turin a ngen bawk a ni.

Lalremruata Chhangte hi 2023 a Hrangturzo biala MNF MLA candidate kha a ni.